شـــــــــــوفت ايـــــــــه انهــــــــاردا..فى الجامعه...

طبيعي كل يوم يا بيبو هاجي أقولك رأيت مززاً لا حصر لهم و لا عدد
بس أهنيك علي الفكرة جامدة يا رياسة

كده بقي انا فهمتك
المهم هخش في الموضوع شمال من غير مقدمات
انهارده كان عندنا مادة حاسب آلي و نظم
من 12 ل2 إذ فجأة و احنا آعدين منتظرين الدكتور كالعادة
دخلوا طلاب لا هما من الإخوان و لا هما من الخنافس
و خير اللهم اجعله خير
إذ فجأة
انقسموا إلي جماعات
جماعة بتقول شعر شتيمة في مصر و تمجيد في غزة
و جماعة بتشرح الشعر اللي اتقال
و جماعة بتوضحلنا الأرف اللي حاصل في البلد
و حسسوني إن مفيش خير في الدنيا
و إن الدنيا سوداااااااااااااااا
و إذ فجأةً برضه واحد لاقيته هاجم عليا في البنش منهم
و ادالي ورقة
و انا اقوله يا عم مش عااااااااااايز
و هو يقوللي لأ هتاخدها و تقرأها أودامي كمان
يا عم مش عايز
و هو راسه و ألف جزم.....
و لا خليها ألف سيف
عشان ملقاهوش طابب عليا في بيتنا
و فضلوا يقولوا كل البلد عايشة في حااااااااالة رياء
أصحوا يا جدعاااااااااااان
شوفوا اللي حاصل
شوفوا غزة عملت ايه من كتر الحصار
شوفوا و شوفوا و شوفوا
و مرة وحدة راح داخل في حكاية بطولة الأمم اللي خدناها كده مرة وحدة و من غير مقدمات
و شوفوا حسن شحاتة و هو بيسلم علي حسني مبارك
تحسوا إن مبارك كان بيدرب المنتخب مش شحاتة
و هكذا
إلي أن وصل لقضية غزة
و احنا ساكتين ليه
و ببص في الساعة لاقيت المحاضرة فات من وقتها ساعة الا ربع
قولت لأ مبدهاش بقي
روحت واخد حاجاتي وواخد صحابي
و شدينا علي برة
و هنا تفاجئت
بأنهم سيطروا علي محيط المدرج من الخارج
و مسميين نفسهم طلاب مقاومة
و لاقيت الواد اللي واقف حاطط ورق أودامه و لامم شوية مبيفهموش من الطلبة بيساندوا في آرائه كلها من غير تفكير في المضمون
أنا صممت إني هقف اسمع بيدخل في دماغه أفكار شكلها ايه
تخيلوا كان بيقول ايه
كان بيقوللهم متبئوش سلبيين
لازم نشارك بايجابية في القضية الفلسطينية و نفك الحصار عن غزة
حتي يا عيني شوفتو الغلبانيين عملوا ايه من كتر الجووووووووع اقتحموا الحدود و قتلوا عساكر من عندنا و اشتروا أكل و شرب و بنزين و سولار
قولت لازم أعمل بنصيحته و ابقي ايجابي
و اشيل من دماغه القاذورات دي
وخدتوا علي جنب
و قولتلوا يا ابو الكباتن
شوف حماس و فتح ضربوا علي بعضهم كام مليون طلقة
لو طلقة وحدة من اللي ضربوها علي بعضهم السفهاء دول وفروها و استعملوها في قتل جندي اسرائيلي كانت هتساعد و لو بنسبة مليون في المية
و مكانوش بالتالي ضعفوا للدرجادي و اتحاصروا
و صعبان عليك الناس بتوع غزة و مش صعبان عليك شعب مصر الغلبان اللي وصل بسببهم إن في سينا إزازة الزيت بقيت دلوقتي تقترب من ال20جنيه قاللي مالكش دعوة انت اصلك مش فاهم حاجة و سابني و راح يكمل توجيهاته
أنا فكرت و تمحصت في الأمر قولت لازم أعمل موقف أكثر ايجابية ن الأولاني
و عنها و مونتش و جريت انا و صحابي برة الجامعة عشان نلحقلنا ميكروباص قبل زحمة حقوق
و ده كان موقف لا انهارده في الجامعة

هههههههههههههههههههههه ايه يا طارق اللى دخلك في السياسة بس يا ابني انت فعلا متعرفش حاجه والعيال اللى انت بتحكي عليهم دول شكلهم عيال عبيطه كييييييييييييييييييييييييييييييييك علشان يعمله حاجه زي كده بس ايه هدفهم بقى في الموضوع دا اصلا المهم انا بقالي كتير مش بروح المعهد ومفيش اي حاجه حاصلت لما اروح واشوف اي موقف هقلكم وشكرا